Acompañado dunha maleta estampada con flores chegou Carlos Negro ao noso instituto. Nela traía dende un pano rosa a unha Barbie. Tampouco faltaban caderniños de notas, revistas ou debuxos. Todo isto conforma Penúltimas tendencias, un poemario que racha esquemas.
Nun encontro co alumnado de 2º de ESO e organizado conxuntamente coa Biblioteca, o autor dialogou sobre a poesía e botou unha ollada sobre os modelos de beleza e de conduta que imperan na sociedade.
O libro é unha crítica á reprodución de roles tradicionais que manteñen as mulleres presas de instrumentos de control como o imaxinario do amor romántico.
O poemario fálanos dunha rapaza que quere ser ela mesma, alguén auténtico, que pensa, que loita contra a manipulación social do fashion, cool, chic e sexy. Non lle gusta este universo que fere sen compaixón, pois ela quere ser, por riba de todo, persoa.
Obradoiro de poesía con Carlos Negro from ENDL Poio on Vimeo.
Ningún comentario:
Publicar un comentario