Versos en galego para o Día da Muller

21 de Febreiro. Día Internacional da Lingua Materna

O 21 de Febreiro celébrase en todo o mundo o Día da lingua materna para concienciar da importancia da preservación das diferentes identidades culturais e lingüísticas que conforman o noso planeta.

A lingua materna é a primeira adquirida polo ser humano coa persoa que teña contacto na etapa inicial da vida e neste día quérese fomentar o ensino e a educación en lingua materna.

Desde que o ser humano empezou a falar, unhas 30.000 linguas desapareceron. Crese que se non se fai nada, a metade dos 6000 idiomas falados actualmente desaparecerán a finais deste século. Só cada ano desaparecen 10 idiomas.

Son moitos os idiomas da nosa contorna que cada día o teñen máis difícil para subsistir e os datos recollidos sobre o galego non  son esperanzadores xa que a transmisión lingüística vía materna-paterna decreceu considerablemente nos últimos anos.

Alumnas de 2º de ESO deron lectura ao manifesto en defensa da lingua materna e tamén en Radio patio deuse lectura da mensaxe da directora xeral da Unesco, Irina Bokova, con motivo deste día.

Se queres ler o manifesto pincha aquí.

Radio Patio no Día Internacional da Lingua Materna

Obradoiro de portugués

O martes 18 de febreiro o alumnado de 3º de ESO participou nun obradoiro de portugués, impartido por Ciranda, denominado O português Simples. Actividade que serve como ferramenta de achegamento á nosa lingua irmá. 

Con esta proposta o alumnado aprende que o galego é unha entrada privilexiada para acceder ao portugués e que, polo tanto, falar galego ofrece unha clara vantaxe competitiva.

Radio Patio: Palabras de amor 2014

Programa de radío patio no día de San Valentín, poemas e fragmentos narrativos que falan do amor:


              

Gañadoras e gañadores cartas de amor

Compartimos con todos vós os traballos gañadores do 1º concurso de cartas de amor en galego. 
Parabéns a todos os participantes e a seguir bicando en galego.

Traballos gañadores:

Alejandro F.P        1º ESO B.       Preme aquí 

Laura Villaverde   2º ESO A       Preme aquí

Noemí González    2º ESO D       Preme aquí

Daniel Fandiño      2º ESO D       Preme aquí

GraffitiROSALIA

O Equipo de Normalización Lingüística e a Biblioteca do IES de Poio vai sumarse á iniciativa arredor da escritora galega Rosalía de Castro que a Asociaciónde Escritoras e Escritores en Lingua Galega (AELG) celebrará o vindeiro 24 de febreiro, aniversario do nacemento da poeta.

Esta acción colectiva en torno á figura da nosa poeta máis universal e que xorde co nome graffitiRosalía  busca "visibilizar os seus versos en espazos públicos e comunitarios".

"Rosalía de Castro é unha fenda.

Unha ferida aberta nas conciencias.

A voz que sempre nos asombra.

Querémola viva,

sabémola ceiba.

Querémola pola rúa,

nos barrios e nos arrabaldes,

nas aldeas e nas prazas,

nas fachadas brancas dos edificios.

Queremos que os seus versos nos invadan,

fender con eles o mutismo das paredes.

Para que a súa voz ilumine os muros.

Alta e clara como murmurio e como berro.

Por iso, convidámosvos a participar en graffitiRosalía".

Se queres saber máis desta iniciativa podes clicar aquí

I Edición e-Poesía EnREDando Versos: A cidade con ollos de poeta