Festival de Entroido

O entroido chegou sen avisar e tamén con moita chuvia ás costas. No instituto como vén sendo costume non quixemos faltar á cita e puxémonos a idear os disfraces e as coreografías para ese día.

Este ano quixemos darlle unha volta e decidimos que o entroido xirase arredor dun tema: O Cine.

Non todos se sumaron a esta idea pero a meirande parte dos grupos participantes tiraron de imaxinación.

Como novidade montamos no vestíbulo un photocall que foi todo un éxito... O "glamour" non pode faltar neste tipo de actos.

Logo tocaba o momento de saltar á escea... Os vencedores foron o grupo de 2º ESO que fixeron a súa particular Vendetta e de 3ºB, chamados Madagascar, que bailaron a ritmo de regetton. Noraboa a todos.

2º Premio: Madagascar

1º Premio: Vendetta

FESTIVAL DE ENTROIDO POIO from ENDL Poio on Vimeo.

Magosto 2015

Non nos botou para atrás que o tempo ameazase chuvia e outro ano máis fixemos a nosa tradicional festa outonal. O pequeno soutiño do instituto, que cada ano vai medrando máis, deunos a materia prima. 

 

Puxémonos a asar as castañas e aínda nos afumamos algo.

Como vén sendo costume, tamén puidemos divertirnos cos xogos populares que coordinaron os alumnos do ciclo de Actividades deportivas no Medio Natural.

A Chave, o pano, a corda, a goma ou os zancos foron algúns dos xogos que por dúas horas fixeron que  cambiaramos a rutina do martes.

Entroido 2015

Aínda que chovese non puidemos faltar ao Entroido. Botamos man dos disfraces, das pinturas, da purpurina....... Abrimos os caixóns agochados nos faiados e, sobre todo, démoslle voltas á cabeza procurando o mellor disfrace. Aquí van algunhas mostras!!!!!

MAGOSTO 2014

O pasado 7 de Novembro o tempo deunos unha mínima tregua e poidemos festexar a nosa tradicional festa do Magosto. 

A palabra magosto designa  a propia fogueira na que se asan as castañas e era unha festa de orixe pagá, relacionada coa fecundidade e o folclore do lume que marca o paso dos ciclos agrícolas, a modo de simbolismo de peche do ciclo solar. Como aconteceu con outras festividades pagás, terminou sendo cristianizada asociándoa ós Santos e Defuntos ou a San Martiño.

Aínda que é tamén costume aproveitar esta data para probar o viño novo, nós preferimos adicarnos a xogar e a divertirnos con xogos antigamente moi populares pero que ultimamente temos algo esquecidos como: a corda, o pano, a petanca, carreiras de sacos ou os birlos.

Como se pode comprobar pasámolo en grande e como aínda estamos en tempo e o San Martiño está aí, que non falten CASTAÑAS.

Acabáronse as vendimas

e veñen as esfolladas,

para comer coas mozas

catro castañas asadas.

Fotos Magosto 2013

		Magosto 2013 VER PRESENTACIÓN DESCARGAR TODO